الفصل السادس: في سبيل الحرية!

 

عصام و مدام ريري في المستشفى بعد يومين من الحادثة. مدام ريري على السرير لكن إصاباتها طفيفة. عصام يقرأ عليها عناوين الصحف.

 

مدام ريري: كل ده أتكتب في يومين بس؟ في شي كمان؟

 عصام: فيه الأهم….من جريدة المتاهة: كله في سبيل الحرية يهون!!

سيدة الأعمال السعودية رحاب حامد تتعرض لهجوم إعلامي شرس من المتطرفين  بعد حادثة إطلاق النار!

 إلى متى و نحن نحارب التقدم؟

إلى متى و نحن نقف ضد العولمة؟ السيدة رحاب حامد تضرب نموذجا رائعا للجهاد في سبيل الحرية و الدفاع عن حقوق المرأة و حقوق الشباب!!

  كل من مات في حادثة إطلاق النار هو شهيد الوطن و شهيد الحرية!

 لابد من بعض الضحايا في بداية كل مشوار نجاح!!

 قالت السيدة رحاب في ….

 

مدام ريري: خلاص يا عصام كفاية….قول لي دحين إيش أسوي في المصيبة دي و الخساير إللي خسرتها كلها راحت على الفاضي؟

عصام: بالعكس دحين إنتي موقفك أقوى! صح خسرتي شوية فلوس بس كسبتي تعاطف الناس لأنك ضحية للإرهابيين و ما في أحد يقدر يقول إنه إللي سوو صح أو إنهم معاهم حق!! دحين إنتي صرتي نصيرة حقوق المرأة و رمز الجهاد من أجل التطور و الرقي في البلاد و كمان حبيبة الشباب لأنه قلبك على مستقبلهم…..ما قلت لك الشباب و المرأة هما أقوى الأسلحة؟؟!!

تدخل نانسي بكامل أناقتها.

نانسي: بونجور مدام، بونجور عصام.

مدام ريري: بونجور نانسي…فين تاله؟ إيه ما لها نفس تشوف أمها و هي مريضة؟

نانسي: لا …هي …هي….

مدام ريري: إيه؟ إيش في؟ هي تاله صار لها شي؟

نانسي: و الله ما بعرف كيف بدي قلِلّك!!

مدام ريري: نانسي لو ما قلتي لي ترى حا أقوم و أخرج بنفسي و أشوف إيش إللي صار!!

نانسي: تاله في المستشفى!

مدام ريري: نعم؟!! مستشفى إيه و ليه؟

نانسي: مدام أنا بعتزرمنك….كان لازم خبرك من الأول…

مدام ريري: إنتي حاتجننيني يا نانسي….أتكلمي بسرعة…..!!!!

نانسي: تاله كانت بتحب شب ظريف…خبرتني عنّو و أنا قلتلا إنه الحب ما في شي…..بس…

مدام ريري (تصرخ بجنون): بس إيش اتكلمي؟؟؟!!!

نانسي: غلِطِتْ و ما قلتلك…. و هي كمان غلطت معو!!

مدام ريري تكاد تصاب بإغماءة من وقع المفاجأة….

نانسي: و هلأ …هي…هي حِبلي!!!

مدام ريري (غير مصدقة في حالة دهشة أشبه بالهيستيريا): حاااا …حااامل؟!!! بنتي أنا حامل؟ حاااامل؟!!! (ستار)

 

النهاية!

أعرف أن النهاية قد لا تعجب الكثيرين أو ترضيهم و لكني لا أحب النهايات الواضحة لأنها ليست واقعية 🙂 شكرا على المتابعة